لوگوی جشنواره وب و موبایل ایران
 
ایل شاهسون
ایل بزرگ شاهسون
درباره وبسایت


با سلام خدمت شما همراهان عزیز وجود یک وبسایت برای ایل بزرگ شاهسون قابل محسوس بود تصمیم گرفتیم با کمک عده ای از فرهیختگان عزیز اولین سایت ایل شاهسون را راه اندازی کنیم به امید اتحاد ایل شاهسون .
درباره ایل شاهسون:شاهسون بغدادی. [سَ وَ نِ بَ] از ایلات تُرک اطراف تهران، ساوه، زرندوگرماب وزنجان و قزوین بوده‌اند که ییلاق‌شان خلجستان و فراهان و قشلاق‌شان ساوه و زرند بوده‌است و در اطراف قزوین به سی طایفه منقسم می‌شدند ... . (جغرافیای سیاسی کیهان ص۱۱۲)
مذهب شاهسون‌های بغدادی از زمان صفوی یا پیش از آن شیعهٔ دوازده امامی بوده‌است. شاهسون‌ها در تغییر مذهب رسمی ایران به شیعه نقش مهمی داشته‌اند.

شاهسون ایل بغدادی ازدو سر شاخه زیر تشکیل شده است :

1 لک

2 آرریخلی .

که هر کدام از این سر شاخه ها دارای طوایفی می باشند .

مجموع طوایف ایل شاهسون بغدادی 32 طایفه به شرح زیر می باشد :

1 قاراقویونلو

2 کوسه لر

3 دلیلر ( دللر )

4 سولدوز

5 یارجانلی

6 حاققی جانلی

7 احمدلی

8 موسولو

9 شرفلی

10 کرملی

11 کله ون

12 موختابند لی ( موخته ون لی )

13 قرنلی ( قرللی )

14 چلبلی

15 ذولفوغارلی

16 کاروانلی

17 اتک باسانلی

18 میغن

19 نیلغاز

20 دوگر

21 قوتولو

22 ساتیلی

23 حوسن خانلی ( حسین خانلی )

24 اینانلی ( ایناللی )

25 الی قوردلو ( علی قوردلو )

26 خیدیرلی

27 قسیملی ( قاسم لو )

28 زیلیق لی

29 قریب لک

30 حسن لی

31 آغ قویونلو

32 دئولته ون

قشلاق این ایل از گوی داغ ( کیلومتر ۵۰ اتوبان قم - تهران ) شروع و تا اطراف شهر ساوه و زرند پراکنده اند

ییلاق این ایل هم اطراف شهرستانهای قروه ، رزن و آوج همدان بوده است.

مدیرسایت :حجت فاتح

ارسال متن و اشعار در تلگرام با شماره :09125550828

مدیر وبسایت : admin blog
نویسندگان
صفحات جانبی
آمار سایت
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
بختیار فرّخ
شاهسئون(باغدادلی) ائلینین، كؤسه‌لر طایفاسینین (خاسا) آغزی/لهجه‌سی 
؛
ال چک 
؛
داش باشلی آی فلک؛ دؤنرگه‌ی دؤنسون
نه ایستئرئی مندن؛ یاخامدان ال چک! 
سیندیردی هر داشیی؛ باشیمی، ایندی 
هاولئییب دؤینه‌ین؛ یارامدان ال چک!
؛
آخار چای‌لاریمی سوسوز دوْندوردوی 
آرخام چیراق‌لارین بیر بیر سؤندۆردۆی 
یازیمی کؤچۆرتدۆی؛ خزه‌ل قوْندوردوی
آل-یاشیلیم آلدیی؛ قارامدان ال چک!
؛
اۆره‌گیمه چکدیی چارپاز داغی‌یی 
شربتیمی آلدیی وئردیی آغی‌یی 
وئرمه‌لیمی وئردیم؛ آلاجاغی‌یی 
ایندی‌یه چئین آلدیی؛ سورامدان ال چک!
؛
قوْی دوْلانسین بیزه ساری بو یارین 
یازیمدان چک آپار؛ ساویغین قارین 
نه ایستئرئی؛ نه‌یی وار "بختیارین"
اوْرام اوْتا چکدیی؛ بورامدان ال چک!
؛
( بختیار فرّخ، ۶/ ۷/ ۱۳۹۴ )


Bakhtiar_Farrokh

بختیار فرّخ
یاساق قاندالی
؛
یاساق قاندالی بوْینوما هؤرۆکله‌نیب قوْلباق کیمین 
قاندال قیسالماغی سیخیب بوْغازیمی یاساق کیمین!
بیر بنیزین گؤرمه‌‌یینه وئردیم دونیا له عقبانی 
اوْن دؤرد هؤرۆک ساچلاریندا دوْلانیرام داراق کیمین 
خدنگ ایله منی وورما، اوْ کسگین باخیشین یئتر
دیزلریمده یوْخ دایانات تیتره‌ییرم یاپراق کیمین 
آلاولار آولار جانیمی گۆندوزوم یاندیریب یاخار 
پبلته‌م دادین آلار یاغدان؛یانار گئجه‌م چیراق کیمین کیملیک تکجه دیلده دئییل؛ ان اؤنملی گره‌ییدیر 
دۆزگون باخیش باخیشیندان، گؤر؛ قال کیمین! قالاق کیمین!
تکلیک یالقیزلیق بیتیره‌ر بو گؤرسه‌نن آلای‌لاردا 
بیرلیک تکجه کسیب بیچر یاراقلانان یاراق کیمین 
"بختیار" اؤزگورلوک ایتیب؛ ایتگین‌لیگین دنیزینده 
هانسی ایتیگدن گتیرسین سنه ساو سرسوراق کیمین!

( بختیار فرّخ  ۱۳۹۰ )


Bakhtiar_Farrokh
.

بختیار فرّخ, [13.09.17 19:40]
آچ..
؛
بیر اوْووج سو 
بیر اوْووج چؤره‌ک
گؤز،
     بیر اوْووج آچیلماق 
آپاریر منی نره‌یه!؟
بیر اوْووج گؤزۆن آچیلماغی 
سو..!
     چؤره‌ک..!
               گؤز..!
                      آچ!...

( بختیار فرّخ)

Aç..

bir ovuc Su 
bir ovuc Çörək
Göz,
     bir ovuc AÇılmaq
aparır məni nərəyə!?
bir ovuc gözün açılmağı 
Su..!
       Çörək..!
                    Göz..!
                             Aç!...

(Bəxtiyar Fərrux)

@Bakhtiar_Farrokh

بختیار فرّخ, [27.09.17 13:21]
سن‌سیزلیک
؛
کؤنلوم ائوین بۆرویوبدو سن‌سیزلیک‌له سوسقونلوقدان 
یالنیزلیقدان بیر بوجاغام؛ اسنه‌ییرم دورغونلوقدان قاینادیم سئودا اوْدوندا، بوقلاندیم؛ بیشدیم؛ یئتیشدیم 
جوْشماغیم گیزلی گؤرونمز سسی گلیر جوْشقونلوقدان 
سن‌سیزلیگه داداندیرما قوْرخورام بو کوْرلوق‌لاردا
کاریخیبان توختاقلاشام، چاشام؛ قالام یوْرغونلوقدان 
سوسوزلوقدان سهه‌نگ سسی چیخار دوْلدو سودان دۆشر 
قانان دینلر؛ آزجا سؤیلر؛ سۆسه-سۆسه دوْلغونلوقدان 
اسیرگه‌مه گۆل-چیچگه؛ایکی ایشیقدان هر یئرده یاردیم اوْلسا سوْلماز نه‌دن! اۇلوشگه‌سین سوْلغونلوقدان 
چوْخ گؤرستمه گؤرسه‌دیبدی؛ دلی-دلی سئودالی‌لار 
کسیب؛ بیچیب؛ آخیب گئدیب، اوْدا چکیب وورغونلوقدان 
گۆن‌لر کئچیر سؤزه باخمیر؛ یوبانماق‌لا داریخماق یوْخ 
آیریلیغین سیناغیندا گیله‌یلی‌یم توتقونلوقدان 
آخیجی‌دیر چاغ‌لار یئیین؛ آن‌لار آنیتلاشار گئدر 
سن‌سه گؤرسن "بختیار"ی؛ تانیمایان پوْزغونلوقدان 
؛
( بختیار فرخ ، ۱/ ۶/ ۱۳۸۹ )


Bakhtiar_Farrokh

بختیار فرّخ, [04.10.17 18:20]
خزه‌ل 
؛
یاغیش یاغیر 
خزه‌ل وورموش یاپراق‌لار 
تؤکول‌لر می
         گؤزیاشلارین؟
                  آیریلیقدان اؤترو..
                       یوْخسا،
         دالمیشام من 
                       آنی‌لارا
                  آخیر گؤزلریمدن،
         گؤرونمز یاش‌لار..!

( بختیار فرخ ۵/ ۸/ ۱۳۹۰ )

Xəzəl 
*
yağış yağır 
xəzəl vurmuş yapraqlar
töküllər mi
          gözyaşların?
                   ayrılıqdan ötrü..
                             yoxsa,
         dalmışam mən 
                             anılara
                   axır gözlərimdən,
         görünməz yaşlar..!

(bəxtiyar fərrux)

@Bakhtiar_Farrokh

بختیار فرّخ, [07.10.17 18:50]
تانری
؛
تانریم ایله اوْرداییدیم،
تانریم
       شوکئران ایچدی!
       تیکیلدی تاختایا !
       تاخیلدی شام‌لارا !
       سوْیولدو دریسی !
       اوجالدی دارلارا...
؛
( بختیار فرخ)

Tanrı 
*
Tanrım ilə ordayıdım, 
Tanrım
            Şukeran içdi !
             tikildi taxtaya ! 
             taxıldı şamlara ! 
             soyuldu dərisi ! 
             ucaldı Darlara...

(bəxtiyar fərrux)

@Bakhtiar_Farrokh

بختیار فرّخ, [11.10.17 21:26]
یاغیش یاغیر 
سؤزجۆک‌لریم‌له قوْنوشورام 
سوْن دوراغین دمیر ماساسیندا 
                         تک باشینا اوْتورموش 
               ایسلاق بیر گئجه‌دیرمی؟
قایغی‌لاریم، 
قوْینومدان بوْیلاشیر 
ایسلانماق قوْرخوسوندان 
                     سؤزجۆک‌لریم
                           اؤلۆم قالیم ساواشیندا!
بیر سیراسی 
               ایتگین گئدیب 
بیر سیراسی، 
              اؤلۆب ایتیب...
                            های های 
دۆشۆنوروم،
               دار،
                   وار،
                        لیغیمی!
؛
( بختیار فرخ)


yağış yağır 
sözcüklərimlə qonuşuram 
son durağın dəmir masasında 
                       tək başına oturmuş
           ıslaq bir gecədirmi?
qayğılarım,
qoynumdan boylaşır 
ıslanmaq qorxusundan 
                             sözcüklərim 
                  Ölüm qalım savaşında!
bir sırası
               itgin gedib 
bir sırası 
               Ölüb itib...
                               Hay hay 
düşünürüm,
                    Dar,
                          Var,
                                Lığımı !

(bəxtiyar fərrux)

@Bakhtiar_Farrokh

بختیار فرّخ, [16.10.17 08:05]
باخار گئدر..
؛
دۆنگه بیر باجادیر باخما آدینا 
گلن بو باجادان تئز باخار گئدر..
ایشیغی‌نین دوروم یوْخو گؤرمه‌گه 
ایْلدیریم تک گلیب تئز چاخار گئدر..
؛
دادلی دادسیزلاری؛ بۆتون دادسا دا 
یارادان قارشیندا؛ نه یاراتسا دا 
باهار یاغیشی تک سئل اوْیناتسا دا 
دۆشر چایلاق‌لارا تئز آخار گئدر..
؛
کیمسه آچا بیلمز بو کؤردۆگونو 
سئوگی‌سیز گئچیرتسه؛ یادا گۆنونو 
سئودالانسا سئوسه جان سئوگۆلونو 
نیشان اۆزوگونو تئز تاخار گئدر..
؛
 هئچ کیمسه‌نین آرتیق یوْخو بیر نفس 
توتان توتدو سؤزو دئییم داها بس 
"بختیار" شامینی تانیسا هرکس 
کپه‌نک تک اؤزون تئز یاخار گئدر..!
؛
( بختیار فرّخ ۵/ ۶/ ۱۳۹۳ )

Bakhtiar_Farrokh

بختیار فرّخ
دؤردلۆك

؛
ائله بیلدم! اوجالاریم؛ قوْجالدى 
آلچاق‌لارین؛ باشی قالخدی اوجالدی!
مئشه آسلانسیزلیق یۆکون چکنده 
چاغقال جوْولان وئرر؛ سانار باج آلدی!
؛
اؤزله‌مه بۆروندو چاغ‌لاریم قالدی 
یوردلار ویران اوْلدو داغ‌لاریم قالدی 
اوچدو اؤزگۆرلوگون سوناسی هارا!؟
باغریمین باشیندا داغ‌لاریم قالدی 
؛
(بختیار فرّخ)
Bakhtiar_Farrokh

بختیار فرّخ
آتا بیلمه‌دیم 
؛
وار یوْخومو هامی وئردیم تالانا 
سئودانی باشیمدان آتا بیلمه‌دیم 
دؤنرگه‌لر دؤندۆ‌ گرچگ یالانا 
گؤینوم ایسته‌گینه چاتا بیلمه‌دیم 

بو سئودادان منه قالدی خسته جان 
چوْخ گئجه‌لر اوْ آی خیالی اینان 
كؤوره‌ك گؤزلریمین بولودلاریندان 
قاش گؤزۆن اوْیناتدی یاتا بیلمه‌دیم 

سئوداسیندا بیردن آچدیم گؤزۆمۆ
گؤردۆم گئج اوْلوبدو قوْشدوم سؤزۆمۆ
سئودا قولو اوْلدوم اؤزۆم اؤزۆمۆ
چكدیم هر بازارا ساتا بیلمه‌دیم 

بۆتۆن داماریمدا گزدی قان كیمی
ایللر بوْیو گئچدی گئتدی دان كیمی
سانكی یاد اؤلكه‌ده یاشایان كیمی
هاردا قالدی آنا-آتا بیلمه‌دیم 

باتماز گۆن-چیخماز جان،آجی بیر یاشار
سئوگیلیم پای وئردی گئتدی نازلی یار
چوْخ ال‌لشدیم سندن اؤترۆ " بختیار "
بو قارا یازی‌یا باتا بیلمه‌دیم! 
؛
بختیار فرّخ 
Bakhtiar_Farrokh

بختیار فرّخ

بختیار فرّخ
سئوگیلیم 
؛
سئوگیلیم ، 
سنی ایللر بوْیو دیر آراییرام 
آنلیمین قیریشیندا 
ساچلاریمین آغیندا
اۆره‌ییمین دؤیۆنتوسونده 
کؤنلۆمون آلاویندا 
نیسگیل‌لریمین قوجاغیندا 
تالان اوْلموش وارلیغیمین کیملیگینده..
 
ایزلری ایزلیرم 
'قاراغان' داغیندان، 
     'شیراز'دان، 
         'کرکۆک' یایلالاریندان، 
               'اورمو' گؤلۆندن، 
                    'سهند'دن،'ساوالان‌'دان 
                        'میل'‌دن،'موغان'‌دان 
                              یوْخسا 
                        'تانری‌داغی‌'ندان... 
                       سن‌سیز،
یاشامسیزلیقدا یاشاماق 
          اوْلارمی؟ 
اوْلمازمی!؟ 
آغیت‌لارا بۆرونن دۆیون‌لر تانیق‌دیر 
اوْلار، اوْلماز دئوریم‌لرده 
دۆشۆنوروم، 
          گؤرۆنمز دۆش‌لریمدن 
اوْلاى‌لارین 'هالای'اینى 
          لئى لیم-اوْ-لئى‌لیم لئى لا نا،  "لئیلانا" 
          هوْى قارا خان  "قاراخان" 
          ناوا بئله،  ناوا بئله، "ناوازئینیم" 
                  ناو آز آى نیم 
          آیینیم، 
               آر آتى نى،  "هارآتى" 
                    قاز آغى نى، "قاززاغى"...
تكجه،
     یالقیزلیق قارشیمدا 
                     چکیر "ایکی چؤپۆ"نو.. 
                                 هارا؟
                      بورا، اوْرا 
چادیرلارین"چاویر"یندان 
دینله‌ییرم كل اكینى 
"كله‌كى" 
        'یوْرغون'،' كلله'،.. كله‌كى 
                     نره‌یه؟ 
اوْزان‌لارین قوْپوزونا 
'دده قوْرقود' بوْی‌لارینا 
'ماناسچی'لار دستانینا 
'شامان'لارین گیزیسینه.. ‌

سئوگیلیم 
گؤرۆنمزلیک گؤرۆنتوسونو 
کیمله پایلاشیم 
          بؤیله سن‌سیزلیکده 
                         یاشاییشیمی!... 

(بختیار فرٌخ. ۱۷ /۳ / ۱۳۹۳ )
؛ 
Bakhtiar_Farrokh

بختیار فرّخ
اؤزومو یاندیردی 
؛ 
چؤلوم کیمسه‌نی یاندیردی 
ایچیم؛ اؤزومو یاندیردی 
چیخیب اۆنوم نه دؤزوموم
سئودا؛ دؤزومو یاندیردى 
؛ 
گئجه‌م آیریلیقدان دوْلدو 
یانان یانغى‌سیندان سوْلدو 
گؤینوم بیرداملا یاش اوْلدو 
آخدی؛ گؤزومو یاندیردى 
؛ 
سئوداسیندان سنه دئییم 
وئریب وئرن منه دئییم! 
أیرى؛ یالاندان نه دئییم
گرچک؛ دۆزومو یاندیردی 
؛ 
اۆره‌ک ایچره قان‌لار گزی 
داغ‌لار باغریم باشین أزی 
گؤرمک اۆچون گؤرونمزی 
باشقا گؤزوم اوْیاندیردی 
؛ 
بیلدیم "بختیار" نه دینده 
یانار سئودا بیله‌سینده 
قاران‌قولوق‌لار ایچینده 
ساچدی؛ سؤزومو یاندیردی! 
؛ 
(بختیار فرّخ. ۱۰ /۵ /۱۳۹۰ )

Bakhtiar_Farrokh

بختیار فرّخ
آغلار چاغیندا 
؛ 
اؤتوب كئچن؛ بیلمز-بیلر، چاغ‌لار؛ آغلار؛ چاغیندا 
قاندال‌لار گمیره‌ن آندا، آغلار-آغلار چاغیندا 
خزه‌ل یئلی سوْلدوراندا بولبول نئجه؛ اؤتمه‌گین؟ 
سئودالى‌لارین كؤنلونو، داغلار؛ آغلار چاغیندا 
تؤکه‌ندى گؤزلریم یاشى، آیریلیقدان تالاندی 
چیخار گؤزدن اۆره‌كده‌كى، یاغ‌لار؛ آغلار چاغیندا 
شیدیرغی‌دیر شیغییی‌جی، سالاجاق‌دیر آیاقدان 
یاغ‌لار‌‌‌‌؛ یویار قارالاری، آغ‌لار؛ آغلار، چاغیندا 
سئوگیلیم اؤزون یئتیرسه، اوْ اؤزگورلوك سوناسی 
امسیز قالان یارالاریم، باغلار؛ آغلار چاغیندا 
یازلا یایین؛ خزه‌ل، قیشی؛ آردیندادیر سۆره‌کلی 
تؤكر یاپراق یئتیشه‌نده، بإغ‌لار؛ آغلار چاغیندا 
البیرلشمک گره‌گیمیز؛ بیرباشلیغا باشیمیز 
کیمی؟ قاهمارسیز قابان‌لار، لاغلار‌‌‌‌‌‌‌‌‌؛ آغلار چاغیندا 
آغزی گؤیچک‌لر آخیمی؛ یئل‌دیر نئیله‌جك داغا 
گده‌لیک ائیله‌ین ساتقین، واغ‌لار؛ آغلار؛ چاغیندا 
دامجیم-دامجیم‌لار ییغیلار، دنیزلره پایلانار 
بولودلار چای‌لاری نئجه؟ چاغلار؛ آغلار چاغیندا 
شۆوه‌ره شیمشه‌کی تکجه، "بختیارا" چاخماجاق 
آجی-آغری‌لار چكمه‌ین، ساغ‌لار؛ آغلار؛ چاغیندا 
؛ 
(بختیار فرّخ. ۴ /۴ /۱۳۹۰ )

Bakhtiar_Farrokh
Sanıram
kəndimizdən itən Sezmək 
                                       unudub bizi
yadlaşıram duyğularımdan 
                                  qadlaşıram 
                             baxıram 
yan-yana yabancılıq qoxsu 
                      bürüyübdü 
                büsbütün baxışları
yoxsa, çaşqın baxışım yabanılaşıb
            alayların çarpıntısında
                                         nədənsə...! 

(Bəxtiyar  Fərrux) 

Bakhtiar_Farrokh

بختیار فرّخ
جیرتدان‌لار قیجیغی،
                    قیزمار
     سؤیكه‌نه‌جك یایینماغی
               چكینمه‌دن گئریلیك
كنه‌ك،
         اوْنقون ائریشمك
اوْلمالی ویییلتی
قاراماتین ماراغی
               دانیلماق ماریغیندا
زوْلاق
      گرگین بئزگینلیگه
             یوْخسا، آلابایداقلیغا...

(بختیار فرٌخ)

Cırtdanlar qıcığı, 
                       qızmar
söykənəcək yayınmağı
             çəkinmədən gerilik 
kənək,
            onqun erişmək
olmalı vıyıltı
qaramatın marağı
           danılmaq marığında
zolaq
     gərgin bezginligə
          yoxsa, alabaydaqlığa...

(bəxtiyar fərrux) 

@Bakhtiyar_Farrokh

بختیار فرّخ
تانى‌یین 
؛
اؤزویوزو آى 'شاهناما' بیلن‌لر 
بیزى اولو یازى 'ماناس' تانى‌یین!
اؤزلرینى اسگی خالی سایان‌لار 
بیزى ده بیر اسكی پالاس تانى‌یین! 
؛
گئچمیشینه یئتمز؛ سوْیون ایتیرن 
دیده‌رگینلیك كؤكو؛ كۆتلوك بیتیرن
'عوممان' دنیزیندن اؤرنك گتیرن
بیزی‌ ‌ده 'خزه‌ر‌'دن 'آراس' تانى‌یین!
؛
یئتن اؤز دیلینی گره‌ك قاورایا 
یابانجى سؤزجوكدن؛ قولاق تاولایا 
دیلدن دۆشن‌لری، گزه آولایا ‌‌‌
بئله ایگیت‌لری، 'آراس' تانی‌یین! 
؛
اوْزانلیقدان وارسا بیر ایزلی ایشیق 
دده‌لیگه واردیر ، نئچه یاراشیق 
نققال‌لار قارشیندا دوروبدور آشیق 
سؤزده 'دوْداق ده‌یمز'، 'جیناس' تانى‌یین! 
؛
"بختیار"ین سوْیو، گئدر 'موغانا'
گۆن باتاندان قاییت؛ باخ گۆن دوْغانا 
'خاتایا' ، 'خۆتنه' ، 'بالاساغانا'
گؤزه‌للیگین گؤزو ، اولاس تانى‌یین! 
؛
(بختیار فرخ )

.

بختیار فرّخ
دار اوْلماسایدی 
؛ 
سئویب سئویلمه‌گین قایغى‌سیندایام 
'منصور' تانینمازدى، دار اوْلماسایدی 
سیزیللاییب دۆشگون بولبول اۆتمزدى 
چیچه‌گین سیرداشی، خار اوْلماسایدی 

داملا-داملا داما سو ده‌لر داشى
بینادان اه‌ییلن اوجالماز باشى 
قورویاردی گؤزون کؤکونده یاشی 
اۆره‌ک‌لر یانیبان دار اوْلماسایدی 

گئچن گئچیب؛ گله‌جک یوْخ؛ توت دمی 
یاشاماغین؛ ائنیندن تاپ سن چمی 
هر فصلین اؤزونون اؤزه‌ل گؤركه‌مى 
قیشدان نه قالاردى، قار اوْلماسایدی 

كۆلونگودن 'فرهاد' گؤر، داغى یاردى 
سئودا یوْلچوسویدو، شیرین بیر یاردی! 
دونیا بازاریندا تئز ساتیلاردى 
"بختیارا" اؤزو، یار اوْلماسایدی 

(بختیار فرّخ. ۱۸/ ۹/ ۱۳۸۷ )


Bakhtiar_Farrokh 
.

بختیار فرّخ
كانال رسمى بختیار فرّخ
من و دیدرگین قوشوقلاریم


بختیار فرّخ
یاز،
    یای،
         خزه‌ل،
                قیش،
                      دئمه‌دن،
         كؤنلومون پنجره‌سینی 
                                 آچسان، 
-سئوینجه 
            یوْخسا آغیتا-
بیر قوجاق دره بیلرسن
                  داغیمین چیچك‌لریندن... 

(بختیار فرٌخ)


Yaz, 
      Yay, 
          Xəzəl, 
                    Qış, 
                         demədən, 
       könlümün pəncərəsini 
                                              açsan,
-sevincə
              yoxsa ağıta-
bir qucaq dərə bilərsən
                  dağımın             çiçəklərindən...

(bəxtiyar fərrux) 


.



Bakhtiar_Farrokh 
.

بختیار فرّخ
نور حق 
؛
كند پُر ساقى از جاى دگر پیمانه‌ى ما را 
حلاوت، كیفیت باشد دگر مستانه‌ى ما را 
نه‌ایم آشفته‌ى بزمى به هرمحفل نمى‌چرخیم
نه هر شمعى؛ به پرواز آورد پروانه‌ى ما را 
تو از زاهد چه میپرسى؟ قلندرهاى عاشق را 
كه صوفى هم نمى‌‌داند ره میخانه‌ى ما را 
حریم عاشقان را جایگاهى بهرِ عاقل نیست 
چه مى‌داند! بهاى قیمتِ  دیوانه‌ى ما را 
به چشم سر توان دیدن ظواهر پاك و رنگارنگ
به چشم دل ببین گنجینه‌ى ویرانه‌ى ما را 
فرو ریز ازوجود خویش هردم نقش خودبینى
شدى لایق، توانى دیدنش دردانه‌ى ما را 
یكى زندیقمان گوید، یكى مؤمن به حق داند 
یكى بیند همى كعبه؛ طواف خانه‌ى ما را 
نه‌یم محتاج هر سویى بتابد "بختیار"از خلق 
كه نور حق كند روشن؛ شب كاشانه‌ى ما را 

               (بختیار فرّخ، ۱۳۹۰ )

کانال بزرگ ایل شاهسون

سایت ایل شاهسون 
rhfz_photo_2017-01-13_19-11-01
ما را در شبکه های اجتماعی دنبال کنید 
تلگرام , کانال های تلگرام , بهترین کانل های تلگرام , آدرس کانال های تلگرام ایرانی , معرفی کانال تلگرام