سو سوز گول
یازار رسول پناهی
گول اگر قالسا سوسوز دردینی باغبانه دییر
عاشیق اوز دردینی البته کی جانانه دییر
نه جفا کاریدی شمع یاندرر اوز عاشیقینی
آتش عشقه یانان عاشیقه پروانه دییر
ذلیل اینسان تئله شانه وروب چوخ داراماز
قارشان باشی سوزین زولف پریشانه دییر
نقدر یاسالار احوال یتیم قورتارماز
او اورگ غملرینی خلقه ذلیلانه دییر
یوخسل اینسان اگر علمیده طغیان ایلسه
پولی بزمینده کلامین چوخ حقیرانه
دییر
بختی یاتمش بشره چوخلاری قه قهله گولر
بئله بدبخته قوهوم قارداشی بیگانه دییر
چوخلاری واردی کی محتاجدی ولی خلقه دئمز
ساخلیار سرینی دیلده دیل نالانه دییر
اوت سالر جانیمه اوتلاندری بولبول او زامان
اوندا کی درد دیلین خار مغیلانه دییر
.
یاخشی اینسان سوزین یاخشی لارننان دانشار
سوزی دئیرلی اولار چونکی حکیمانه دییر
ای پناهی سوزووینن جوهری واردور الحق
جوهری اولماسا اشعارووین افسانه دییر
ولی موعللیم
نوع مطلب :
برچسب ها :
شاهسون بغدادی، شاهسون ساوه، شاهسون قم ، شاهسون شیراز، شاهسون ترکیه، شاهسون سوریه،
لینک های مرتبط :
