شانلی شرف شهرت منیم ائلیمده
شیرین باللی تاتلی یاساق دیلیمده
ایگید سایاق بوغولوبدی سئلیمده
آجی زَهر دیلیمیزده نار اولسون
ایسته میین درده گیریفتار اولسون
آخسین بولاقلارین سرین سولاری
دولو اولسون خان نه نه نی چووالی
اوچماسین ائلیمین دایاق دوواری
اوجا ائلیم اوجالارا تای اولسون
ایسته مه ین درده گیریفتار اولسون
بیر گون اولار بیز بیربیره چاتاریق
آیریلیقین تام داشینی آتاریق
جانی جانا قانی قانا قاتاریق
بیزی آییرانین گونو تار اولسون
ایسته میین درده گرفتار اولسون
وطن اوچون گئری قالماز آیاغیم
وطن جانم وطن روحوم ٬ دایاغیم
بو وطن عشقینه چوخدور ماراغیم
وطنی سئومه یه ن کسه عار اولسون
ایسته میه ن درده گیریفتار اولسون

نوع مطلب :
برچسب ها :
شاهسون، السون، ال سون، ایل شاهسون، ایل شاهسون بغدادی، شاهسون بغدادی، سایت ایل شاهسون،
لینک های مرتبط :