بختیار فرخ کیست
بختیار فرخ شاعر شاهسون که فرهنگ وتمدن ایلات شاهسون در عصر معاصر مرهون اشعار زیبا و دلنشین افرادی چون وی میباشد البته شاعران دیگری نیز وجود دارند که اما به رسم قدر شناسی و احترام در این خبر سعی کردیم اشعاری از استاد بختیار فرخ را برای شما مخاطبین پایگاه خبری ایرسا نیوز ارسال کنیم در زیر تعدادی از اشعار این استاد توانمد ترک زبان اشاره خواهیم کرد
بیوگرافی مختصر بختیار فرخ
از شعرای نامی و از حامیان گسترش فرهنگ و اداب و سنن ایل شاهسون می باشد که تلاش زیادی در این زمینه کرده است
و در طول سال های گذشته اشعار ناب استاد از صدا و سیمای استان مرکزی و شبکه های برون مرزی و رادیو پخش گردیده است.
استاد بختیار فرخ تلاش های زیادی نیز برای جمع اوری اشعار حکیم تیلیم خان نموده که به صورت کامل و جامع ارائه خواهد شد
قارانلیق‌لار
گئنه گئجه اوْلدو چؤکدو، قارانلیق‌لار؛ قارانلیق‌لار
گؤزلریمین یاشین تؤکدو، قارانلیق‌لار؛ قارانلیق‌لار
اوْغراش‌لارین آراسیندا نازلی یاردان سئویشمه‌یی
بیر آغیر اؤزله‌مه بۆکدو، قارانلیق‌لار؛ قارانلیق‌لار
یالاندان بیر چیخیب ساچان دان اولدوزو تانیغی‌دی
ایشیغین قارنینی سؤکدو، قارانلیق‌لار؛ قارانلیق‌لار
توتوق چکیب آلای‌لارا؛ جیرتدان‌لارین آرخاسیندا
چیرکین یارامازدان کؤکدو، قارانلیق‌لار؛ قارانلیق‌لار
بوْیانیب‌دیر قیزیل قانا؛ دۆشونجه‌لر دۆشونه‌نه
بیره‌ر یاراسایا اؤکدو، قارانلیق‌لار؛ قارانلیق‌لار
ایشیغی سانیرام بیر نر؛ اسریمیشین آلانیندا
دورا بیلمز قارا لؤکدو، قارانلیق‌لار؛ قارانلیق‌لار
اره‌ن‌لر اؤزونده آرار، گؤرونمزلری “بختیار”
دوْغرولارا قارشی شؤکدو، قارانلیق‌لار؛ قارانلیق‌لار
(بختیار فرٌخ)
باج ایستر
؛
دؤنرگه‌لر دؤنوب؛ چاتیب گؤر هارا
چاغقل انیک؛ قورد اوْغلوندان باج ایستر!
سوْیلولارین؛ نه گلیبدی باشینا !
کؤکسۆزلر سوْی تاپیب؛ تاخت وْ تاج ایستر!
گۆن چیخاندان باتانا آت چاپیلیب
قوزای گۆنه‌ى آدی یئنگى تاپلیب
دن؛ یون اوْلوب یوغورولوب یاپیلیب
کیم چؤره‌ک یاپماغا کیمدن ساج ایستر!
اوْلماسا ال‌بیرلیک دیزلر تئز چؤکر
یاتمانلیغا دۆشن ؛ بئلینی بۆکر
یاشامین قول اوْلان، قوللوقچو؛ نؤکر
گلیب ایندى؛ بیزدن باج-خاراج ایستر!
کؤهله‌نینی؛ بدوْو ساییب باشیندا
اوْغراشلیقدان دامغاسى وار قاشیندا
بو قیرمیزی اوتانمازین قارشیندا
“بختیارا” بنزه‌ر؛ بیر قاللاج ایستر!
(بختیار فرّخ)
ساوچی اورمو گؤلو
اورمو گؤلو
تکجه بیر گؤل،
بیر دوزلو سؤزجوک،
بیر یاریشما آلانی
ده‌ییل
اسکی آنیدان آنلام تاپان
قوتسال آنیت‌لاردان وارلیق داشییان
تانری داغیندان آتلانان
ساوالاندان سس آلان
بیر یۆکسک اؤتک آرخاسینا
آرخایین اوْلان
یئنی چاغین؛ بۆیوموش دؤنه‌رگه‌سینده
بیر ساوچی‌دیر!
ساوچی اورمو گؤلونون
قوتسال ساوی
آردیجیللیق بیرلشمه‌سی‌دیر
اۆستونلوک بیرلیکده یاشار
سوْن ساوچی‌نین یاردیملیغی
سوْن قوْیا بیلر،
بۆتون یاتمانلیغا…!
(بختیار فرّخ)
جان وئرر
؛
بیر آغیر اؤزله‌می چکن‌لر بیلر
آیریلیق‌دیر، ائریشمه‌یه جان وئرر
ارلر دؤشه قالخار، اۆز اۆزه دیلر
دوْولار آلانیندا ساتقین یان وئرر
یاتسا ‘آشیق جونون’ قوْشماسا بوْیو
‘دلیلر’ قوْجالیب توتماسا توْیو
هله قیریلماییب ‘کوْراوغلو’ سوْیو
آرخایین اوْل؛ ارده‌‌‌ملی‌لر قان وئرر
قارانلیق‌لار گؤوه‌نمه‌سین قولونا
یاراقلی‌لار اؤیونمه‌سین چولونا
کؤنول سئوسه باخماز ارگن؛ دولونا
دؤزومسوز دؤزوم‌دور، یاراغان وئرر
قوتسال یوْلون تاپان نئجه اوسانی
دؤشونه دؤیولن داش‌لاری تانی
قانسیزا قان وئرن ایگیت‌لر هانی
دوستاق‌لاردا قانسیزلیقدان جان وئرر
کؤپک‌لر هاوخیرسین، بوْزقورد قودوروب
“بختیار”ی سۆرو سوسماغی یوْروب
اولو تانری اؤزو بئله بویوروب
یارانان ایسته‌سه، یارادان وئرر
(بختیار فرٌخ)
یامان چاغیدی!
قطرلندی هارا گئتدی نر-مایام؟
آغلارام؛ کؤچومون یامان چاغیدی!
ائل داغیلدی سۆرو قوْیون پوْزولدو
سئییزیم؛ قوْچومون، یامان چاغیدی!
اونودان دا گؤردوم اوبا-ائلینی
کؤکسوز اوْلوب قیت ائیله‌ییب دیلینی
آنایوردو سئومک؛ آنادیلینی
گوناهسیز سوچومون یامان چاغیدی!
“بختیار” گؤر، هر یورد بیر مازار داشی
توْختاق-توْختاق آنیت‌لارا دوْلاشی
آیریلیقدان گؤرسن باغریمین باشی
اوْد توتوب؛ ایچیمین یامان چاغیدی!
؛
(بختیار فرّخ)
تانى‌یین
؛
اؤزویوزو آى ‘شاهناما’ بیلن‌لر
بیزى اولو یازى ‘ماناس’ تانى‌یین!
اؤزلرینى اسگی خالی سایان‌لار
بیزى ده بیر اسکی پالاس تانى‌یین!
؛
گئچمیشینه یئتمز؛ سوْیون ایتیرن
دیده‌رگینلیک کؤکو؛ کۆتلوک بیتیرن
‘عوممان’ دنیزیندن اؤرنک گتیرن
بیزی ده ‘خزه‌ر’دن ‘آراس’ تانى‌یین!
؛
یئتن اؤز دیلینی گره‌ک قاورایا
یابانجى سؤزجوکدن؛ قولاق تاولایا
دیلدن دۆشن‌لری، گزه آولایا
بئله ایگیت‌لری، ‘آراس’ تانی‌یین!
؛
اوْزانلیقدان وارسا بیر ایزلی ایشیق
دده‌لیگه واردیر ، نئچه یاراشیق
نققال‌لار قارشیندا دوروبدور آشیق
سؤزده ‘دوْداق ده‌یمز’، ‘جیناس’ تانى‌یین!
؛
“بختیار”ین سوْیو، گئدر ‘موغانا’
گۆن باتاندان قاییت؛ باخ گۆن دوْغانا
‘خاتایا’ ، ‘خۆتنه’ ، ‘بالاساغانا’
گؤزه‌للیگین گؤزو ، اولاس تانى‌یین!
؛
(بختیار فرخ )
اوْدلار یوردو
گل سنه سؤیله‌ییم؛ اوْدلار یوردوندان
‘بوْزقورد’لار یاتاغی؛ آزربایجان‌دیر
‘اومایین’ قیزلاری؛ ‘آرتورپارتقان’دان
تۆرک ‘اوْغوز’ بایداغی؛ آزربایجان‌دیر
ساو آلان ‘ساوالان’؛ ‘زرتوشت’ تین ائدن
‘خزر’دن؛ ‘آراز’دان؛ ‘ساکا’سی نئدن!
‘تۆمروس آنا’؛ قنیم کلله‌سین ائدن
قان! چاخیر بارداغی؛ آزربایجان‌دیر
آنایوردوم؛ واری اؤزه‌للیگی چوْخ
‘اسن بابک’ کیمین ارده‌م اؤلن یوخ
اؤرنه‌گی؛ بیر موْغ‌دور یازیلیب؛ داش اوْخ
اولو داغ‌لار داغی؛ آزربایجان‌دیر
اره‌ن‌لر ‘موغان’ی؛ ‘میل’ی گؤزونون
قوتسال توْپراغینا ‘اردب’؛ ‘اورمو’نون
قاچاق‌لار قوْچاغی؛ ‘قوْچ کوْروغلو’نون
‘چنلی بئل’ چارداغی؛آزربایجان‌دیر
‘نسیمی’ سوْیولدو؛ ‘شام’دا ایلقارا
‘ایشراق’ ساچیلاندا؛ چکیلدی دارا
آل‌لالا داغلاندی دۆشدو ایلغارا
یان-یانی پیر داغی؛ آزربایجان‌دیر
“بختیار” اؤزگورلوک؛ وار اومودوم‌دو
‘ماناس‌چی’،’شامان’یم؛ گؤر ‘قورقود’وم‌دو
قوزای ‘دمیرقاپی’؛ ان گۆنئی ‘قوم’دو
‘قافقاز’ی ‘قاف‌داغی’، آزربایجان‌دیر
(بختیار فرٌخ ١٣٩٠ )
نوع مطلب :
برچسب ها :
بختیار فرخ کیست، بختیار فرخ،
لینک های مرتبط :
